Utfyllande reglar til eksamensforskrift ved Avdeling for lærerutdanning
1. Verkeområde.
2. Definisjonar.
3. Eksamensavvikling av ulike eksamensformer.
4. Oppmelding. Fristar.
5. Gyldig fråvær til eksamen.
6. Pensum og eksamensform ved ny og utsett eksamen, ved forbetringseksamen og ved eksamen etter trekk.
7. Utvida eksamenstid.
8. Dokumentasjon frå sakkyndig og særordningar.
9. Bruk av PC.
10. Frammøte ved skriftleg skoleeksamen. Lesedag.
11. Utdeling av kandidatnummer, kvittering for oppmøte og identifikasjon.
12. Innføring, merking av ark og innlevering.
13. Kladd.
14. Tid ved innlevering.
15. Munnleg eksamen.
16. Oppflytting til neste klassetrinn.
17. Ansvar og plikter ved eksamensavviklinga.
18. Karaktersystem.
19. Verknadstidspunkt.
1. Verkeområde
(jf. Eksamensforskrifta § 1)
Desse reglane gjeld for alle som går opp til eksamen ved Avdeling for lærarutdanning ved Høgskolen i Bergen. Reglane om eksamensperiodar og oppmeldingsfristar kan fråvikast for studentar som skal opp til hovudfag eller mastergrad i musikkpedagogikk og i dramapedagogikk. Reglane kjem i tillegg til Lov om universitet og høgskolar og Eksamensforskrift for Høgskolen i Bergen.
(jf. Eksamensforskrifta § 2)
Med ordinær eksamen er meint: Eksamen som blir halden kvar gong ei undervisningseining eller del av ei undervisningseining er avslutta.
Med utsett eksamen er meint: Eksamen som blir halden for dei som har gyldig grunn for fråvær til ordinær eksamen, jfr. punkt 5 nedanfor.
Med ny eksamen er meint: Eksamen som blir halden for dei som har stryk i fag eller del av fag.
Med forbetringseksamen er meint: Eksamen studentar går opp til for å forbetre eksamenskarakter.
Karakter på forbetringseksamen vert registrert som gjeldande berre når den er betre enn den karakteren studenten freista å forbetre.
Med forprøve er meint: Obligatorisk arbeid eller test/prøve som må vere bestått for at studenten skal få gå opp til eksamen, gå ut i praksis eller kunne halde fram etter normal studieprogresjon, men der resultatet ikkje kjem på vitnemålet eller i karakterutskrifta.
Med utdanningsplan er meint: Oversyn over undervisningseiningar, eksamenar og eksamenstidspunkt som inngår i utdanninga/ studiet til ein einskild student.
3. Eksamensavvikling av ulike eksamensformer
Skriftlege heimeeksamenar:
Det er sett opp ein eksamensperiode for utsette og nye eksamenar i haustsemesteret (i oktober, studieveka) og ein for ordinære eksamenar i vårsemesteret (i mai, veka før perioden for skriftlege skoleeksamenar). Berre unntaksvis kan einskildeksamenar bli lagde utanom desse periodane.
Skriftlege skoleeksamenar:
Ordinære eksamenar om hausten vert avvikla i ein eigen eksamensperiode (i desember)
Ordinære eksamenar om våren vert avvikla i ein eigen eksamensperiode
ein (i mai/juni).
Berre unntaksvis kan einskildeksamenar bli lagde utanom desse periodane.
Utsette og nye eksamenar vert avvikla i eksamensperiodane for ordinær eksamen.
Prosjekt, mapper og utviklingsarbeid:
Ordinære innleveringar fordeler seg over studieåret, men ligg utanom eksamensperiodane.
Utsette og nye innleveringar skjer samla på ein felles innleveringsdag.
Om hausten vert dennedagen lagd til siste veka av september og om våren til midten av mars.
Munnlege eksamenar:
Om hausten vert munnlege eksamenar avvikla i oktober eller i veke 2 eller 3 i etterfølgjande semester.
Om våren vert munnlege eksamenar avvikla i juni, i etterkant av eksamensperioden for skriftlege skoleeksamenar.
Praktiske eksamenar:
Utsette og nye eksamenar vert i haustsemesteret avvikla i ein eigen eksamensperiode (i oktober, studieveka).
Ordinære eksamenar fordeler seg over studieåret, men ligg utanom eksamensperiodar.
4. Oppmelding og fristar
(Jf. Eksamensforskrifta § 5)
Oppmelding til ordinær eksamen for studentar i grunnutdanning og fordjupningsfag :
Studentane melder seg opp innan fastsett frist ved å godkjenne den elektroniske versjonen av utdanningsplanen sin på høgskolen sin Studentweb.
Oppmelding til ordinær eksamen for studentar på betalingskurs:
Administrasjonen melder studentane opp til ordinære eksamenar.
Oppmelding til eksamenar som ikkje er ordinære :
Studentar som ønsker å gå opp til utsett eller ny eksamen, forbetringseksamen eller eksamen etter trekk må sjølve melde seg opp på eige skjema innan fastsett frist haust eller vår.
Utsett og ny eksamen kan tidlegast avleggast i første etterfølgande semester etter den ordinære eksamenen.
Det blir ikkje arrangert eigen eksamen for studentar som ønsker å forbetre eksamenskarakter.
Studentar med studierett må sjølve kontrollere i Studentweb om dei er oppmelde.
Privatistar må sjølve sende søknad til administrasjonen om dei ønsker å melde seg opp til privatisteksamen.
Oppmeldingsfristar
(Gjeld ikkje privatistar)
Frist for oppmelding til alle eksamenar i vårsemesteret er 15. februar.
Frist for oppmelding til alle eksamenar i haustsemesteret er 15. september.
Frist for endeleg kunngjering av eksamenstidspunkt:
I haustsemesteret:
Hausten 2012 kan kunngjering av eksamenstidspunkt bli noko forsinka på grunn av den langvarige streiken mai/juni 2012. I utgangspunktet er fristane for kunngjering som føljer:
- Ordinære eksamenar: 25. august
- Ny/utsatt skriftleg eksamen og skriftleg forbedrings-eksamenar: 15. oktober
- Ny/utsatt munnleg/praktsik, prosjekt/mappe og heimeeksamen: 1. oktober
I vårsemesteret:
- Ordinære eksamenar: 5. januar
- Utsette / nye eksamenar og forbetringseksamenar: 15. mars
5. Gyldig fråvær til eksamen
(Jf. Eksamensforskrifta § 10)
Gyldig fråvær til eksamen er:
1. Når avdelinga har gjeve permisjon pga sjukdom oppstått under
eksamensavvikling, og studenten har levert sjukmelding innan kl 0900 andre virkedag etter eksamensdagen.
2. Når studenten ved manglande frammøte til eksamen har levert sjukemelding innan kl 0900 andre virkedag etter eksamensdagen.
6. Pensum og eksamensform ved ny og utsett eksamen, ved forbetringseksamen og ved eksamen etter trekk
(Jf. Eksamensforskrifta § 10)
Viss ein student med rett til å gå opp til ny eller utsett eksamen, vel å ikkje melde seg opp til næraste nye eller utsette eksamen, gjeld pensum og vurderingsformer for den eksamen studenten då melder seg opp til
Studentar som ønsker å forbetre karakteren i eit fag, må gå opp etter det pensumet og dei vurderingsformene som gjeld ved den eksamen dei melder seg opp til. (Desse studentane har berre rett til å framstille seg til eksamen viss ordinær, eller utsett / ny eksamen i faget likevel blir arrangert.)
Studentar som har trekt seg frå ordinær eksamen innan fastsett frist, må gå opp etter det pensum og dei vurderingsformene som gjeld ved den eksamen dei då melder seg opp til.
Dekanen avgjer om studenten må gjennomføre nye forprøver og/eller nye obligatoriske arbeidskrav.
7. Utvida eksamenstid
(Jf. Eksamensforskrifta § 7)
Student kan søke om og få rett til utvida tid ved eksamenar:
- Når prøva varar inntil 5 timar: 30 min utvida tid
- Når prøva varar 6 timar og meir: 45 min utvida tid
8. Dokumentasjon frå sakkyndig og særordningar
(Jf. Eksamensforskrifta § 7)
Dokumentasjon frå sakkyndig som ligg ved søknad om særordning, må innehalde konkret tilråding om kva for hjelpetiltak høgskolen bør sette i verk for at studenten skal kunne gjennomføre eksamen.
Søknad om anna eksamensform enn den som kjem fram i fagplanen, blir avgjord av dekanen. Søknad om andre særordningar blir avgjord av kontorsjefen.
9. Bruk av PC
(Jf. Eksamensforskrifta § 7)
Dersom ein student får løyve til å bruke PC under eksamen, føreset høgskolen at studenten er i stand til å bruke tekstbehandlingsprogram og til å lagre eksamenssvaret på pc. Ein student med løyve til å bruke pc under eksamen har ikkje tilgang til retteprogram under eksamen i språkfag. Rettleiing for bruk av PC under eksamen vert utdelt under eksamen, og er elles å finne i studenttorget.
10. Frammøte ved skriftleg skoleeksamen. Lesedag
(Jf. Eksamensforskrifta § 9)
Eksamen startar kl 0900. Kandidaten må møte i eksamenslokalet seinast kl 0830. Ein kandidat som kjem til eksamenslokalet meir enn 60 minutt etter oppstart av eksamen, får ikkje gå opp til eksamen.
Ved ordinær eksamen har studentane rett på ein lesedag mellom kvar eksamensdag. Dette gjeld berre studentar som følger normal studieprogresjon.
11. Utdeling av kandidatnummer, kvittering for oppmøte og identifikasjon.
Eksamenskandidat skal før innlevering merke eksamenssvaret med kandidatnummer ved alle typar eksamenar. Kandidatnummer kan studenten
- finne på Studentweb
- få utlevert i eksamenslokalet ved skriftleg skoleeksamen under tilsyn
- få utlevert ved innlevering av oppgåver.
Kandidaten skal ved alle eksamenar kvittere på kandidatliste for oppmøte til eksamen; dette gjeld òg ved munnlege eksamenar. Kandidaten må kunne legitimere seg, og godkjend legitimasjon kan vere høgskolens studentkort med bilde, førarkort, bankkort eller pass.
12. Innføring, merking av ark og innlevering.
(Jf Eksamensforskrifta § 8)
Rettleiing om innføring av eksamenssvar, merking av ark og rutine ved innlevering, vil ved skriftleg skoleeksamen under tilsyn finnast på side 2 i eksamensoppgåva. Rettleiinga er òg å finne i skjemahylle i studenttorget.
Det er kandidaten sitt ansvar å sjå til at innleveringa er komplett.
Kandidaten er sjølv ansvarleg for at eksamenssvaret og eventuelle gjennomslag er leselege.
Kandidaten har normalt ikkje høve til å levere kladd som del av eksamenssvar.
Kandidaten får under skriftlig skoleeksamen 15 min. tilleggstid til å gjere klart eksamenssvaret for innlevering. Kandidaten vil bli varsla om at tida er ute ½ time før innlevering. Når tida er ute, må kandidaten ha klargjort eksamenssvaret for innlevering. Eksamenssvar ikkje er klargjort når total eksamenstid inkludert tilleggstid er slutt, gjeld som trekk under eksamen.
Tidspunkt for munnleg eksaminering av den einskilde kandidaten blir kunngjort ved oppslag seinast eitt døgn før eksamen, med opplysning om klokkeslett for frammøte og om frammøtestad.
Viss ein kandidat ikkje møter til fastsett klokkeslett og avdelinga ikkje har godkjent fråværet, blir dette vurdert som ugyldig trekk frå eksamen (Sjå punkt 5 om gyldig fråvær til eksamen)
16. Oppflytting til neste klassetrinn.
(Jf Eksamensforskrifta § 3)
Ein student kan miste retten til å flytte opp til neste klassetrinn ut frå ei totalvurdering av studiegjennomføringa så langt i studiet.
Ein student som ikkje har greidd eksamen i pedagogikk i første år i førskolelærarutdanninga, kan ikkje delta i praksisstudiar i andre studieår.
17. Ansvar og plikter ved eksamensavviklinga.
1. Avdeling for lærarutdanning ved dekanen er ansvarleg for at fagplanar blir utforma innanfor rammene som er gitte i rammeplanane for utdanningane, og for at fag- og studieplanar blir utforma innanfor rammene som er gitte i Lov om universitet og høgskular og Eksamensforskrift for Høgskulen i Bergen og i utfyllande reglement til forskrifta.
2. Fagpersonalet skal seinast tre veker før eksamensperioden tek til, levere
- oversyn over studentar som fyller vilkåra for å gå opp til eksamen i eit emne
- oversyn over studentar som ikkje fyller vilkåra
for å gå opp til eksamen i eit emne og årsaka til dette.
3. Faglærar er ansvarleg for at studentar som ikkje fyller vilkåra for å gå opp til eksamen i eit fag får kjennskap til dette.
4. Fagansvarleg føreslår ekstern sensor og oppgåvekonsulent eller intern oppgåvekonsulent, og gjer innleiande avtale om konsulentteneste og sensur.
5. Fagpersonalet skal levere eksamensoppgåver med eventuell sensorrettleiing til ekstern eller intern oppnemnd oppgåvekonsulent for godkjenning
6. Den einskilde faglærar har ansvar for kontroll av godkjende hjelpemidlar ved alle skoleeksamenar. Kontroll av hjelpemidlar skal gjennomførast mellom 0830 og 0845 før eksamen startar eksamensdagen.
7. Minimum ein fagperson som har vore oppgåvekonsulent, eller som har vore med på å utforme eksamensoppgåva, har under individuell, skriftleg skoleeksamen plikt til å vere til stades i eksamenslokalet ein gong mellom kl 0915 - 1000. Fagperson skal òg vere tilgjengeleg så lenge eksamen varer.
8. Ved skriftleg skoleeksamen skal fagpersonalet levere godkjende eksamensoppgåver til eksamensansvarleg seinast to veker før eksamensperioden tek til.
9. Administrativ leiar ved avdelinga er eksamensansvarleg og ansvarleg for at gjeldande Eksamensforskrift for Høgskolen i Bergen med utfyllande eksamensreglement blir praktisert under gjennomføring av alle eksamenar i avdelinga.
18. Karaktersystem.
(Jf. Eksamensforskrifta §11)
Avdeling for lærerutdanning ved dekanen kan bestemme at karakterane bestått/ikkje bestått også kan bli nytta. For den enkelte student blir omfanget av slike eksamenar avgrensa til maksimalt ¼ av samla sum av studiepoeng.
Sjølvstendig karakter på vitnemålet eller karakterutskrifta kan bli fastsett på grunnlag av gruppeeksamen og/eller heimeoppgåve åleine viss fagplanen/studieplanen stiller krav om obligatorisk rettleiing i samband med oppgåva. Dette gjeld ikkje viss rammeplanen fastset andre vilkår.
Dersom det ikkje blir stilt krav om obligatorisk rettleiing i samband med oppgåva, skal det inngå individuell eksamen i grunnlaget ved utrekning av endeleg karakter. Individuell eksamen kan vere munnleg eller skriftleg.
I emnesamlingar med fleire emne og i emne med fleire eksamenar, kan ingen av karakterane vere dårlegare enn E for at emnesamlinga eller emnet skal vere bestått. Studiepoeng knytt til kvar eksamen skal gå fram av fag- eller studieplanen og vil i eit emne vere grunnlag for utrekning av endeleg karakter i emnet.
Dersom ein student stryk i ein av fleire eksamenar innanfor eit emne, må studenten berre gå opp til denne eksamenen på nytt, dersom fag- eller studieplanen ikkje fastset noko anna. .
Reglane vart fastsett av avdelingsstyret ved Avdeling for lærarutdanning i møte 13.09.01 med heimel i Eksamensforskrift for Høgskolen i Bergen , § 17. Reglane vart endra etter vedtak av dekan ved Avdeling for lærarutdanning 20. september 2005.
Desse reglane gjeld for eksamensavviklng frå og med haustsemesteret 2005, og tek til å gjelde frå 20. september 2005.
Sist endret: 15.06.2012